اخطيت

اي نعم اخطيت واخطائي كثيره
وهذي ما هي مره أولى ولا اخيره
الأكيد اني وانا انسان أبخطي
يالملاك اللي ملاك أحساس حيره
بين قاصد يجرح وما كان قاصد
والمسافه بينهم ما هي قصيره
قدّر اني ما اعترفت الا لأَنِّي
شفتها بحقي قبل حقك كبيره
شفت نفسي وانت عنها منت راضي
واه يا هي كانت بعيني صغيره
كان أوضح شي بالصوره احبك
والندم في نظره عيوني الكسيره

...

ما كسرني الا زعلك وما قهرني
غير انك للزعل ما جبت سيره
تحكي عادي للأسف عكس اعتيادي
منك في ظروفٍ مثل هذي عسيره
يالله عاتب قول انك مني غاضب
هذا قلبي وهذا شره وهذا خيره
شوف ما بين الثلاثه من ترجح
وأوعدك في كل حال اقول خيره
تبغى شوري لا ترجح غير قلبي
وان لقيت انسان كامل تستشيره
قوله ما كامل الا وجه ربي
ايه نعم اخطيت واخطائي كثيره
ايه نعم اخطيت

التبليغ عن خطأ