أضف كلمات أغنية
(110) مشاهدة


الأسد

الصمت عن بعض البشر يعتبر جود

ما كل هرج يستحق الاجابه

واذا نشب للعاقل اهبل ومقرود

عن الوحل ما تسمو إلا السحابه


الرد ممكن ينقصك وانت في زود

والصمت بعض احيان حكمه ومهابه

وشهيبة الغربان لو تنعق حشود

دام الأسد صامت وكل يهابه

هالوقت بعض فهود ما تنجب فهود

وبعض الذياب اشكال ما هي ذيابه

يغتابني التافه وعندي له ردود

لكني اترفع شموخ وذرابه


انا خوي الوافي وارقى به سنود

والا الردي ينبح ومحد درى به

والعيب من راعيه ما هو ب منقود

عيب علي انزل له واحسب حسابه

قولو له اني بخير لا شفت لحسود

احجار ارقاها واطول السحابه

العود الاصلي لا انكوى فاح لك عود

والجمر دونه لين يرمد ترابه

 كلمات: العاليه
 ألحان: احمد الخضر
 تاريخ: 2021





التبليغ عن خطأ



share